ايه الفرق بين باباكى وجوزك

مع بابا.. دخلتى المطبخ ما دخلتيش .. كله واحد وممكن باباكى يساعدك
انما مع جوزك ..مش بمزاجك .. ها تدخلى .. هاتدخلى

مع بابا .. فى العيد بيديلك العيديه وفوقيها بوسه ..
لكن مع جوزك .. بيقول انت خلاص كبرتى على الحاجات دى

مع بابا.. بتنامى وتصحى وقت ما انتى عايزه ..
مع جوزك .. وقت ماهو عايز .. او مع مواعيد شغله.

مع بابا.. بتشترى هدومك ومكياجك وكل اللى انتى عايزاه .. ويقولك حلو قوى عليكى
مع جوزك .. بيشترى لك برضه .. لكن ما قل ودل .. ويقولك .. فلوووووووووووووووووسى والمرتب

مع بابا لو حصل حاجه مثلا و كنتى زعلانه .. بيزعل عشانك ..
مع جوزك .. بيزعل منك .. ويلومك ازاى تزعلى اصلا

باباكى .. كلمه حلوه ترضيه ..
وجوزك .. طول الليل تحايلى فيه

باباكى وانتى عيانه .. سهران جنبك طول اليوم
انما جوزك بيروح ينام فى الاوضه التانيه.

بابا .. لما تدلعى عليه .. بيفرح بيكى
انما جوزك .. بيقولك ..اكيد عايزه حاجه

باباكى.. لما تقولى له .. ده حصل كذا وكذا .. بيهتم ويصدقك
انما جوزك .. بيقولك .. الموضوع دا وراه ان .. ويشك فى كلامك

بابا .. لو شافك بتعيطى ها يمسح دمعتك
انما جوزك .. ها يقولك يادى النكد

مع بابا .. لو حاطه ماكياج فاقع شويه.. ها يقول لك الهادى عليكى احلى .. وانت احلى من غيره خالص
لكن جوزك .. ها يقولك شكلك زى عروسة المولد

مع بابا .. لو طلبتى دوا من الصيدليه . جرى ها ينزل يجيبه
لكن جوزك ها يسالك بكام الأول؟

بابا .. لو طلب منك كوباية ميه .. بيقولك لو سمحتى عايز ميه
انما الباشا يقولك قومى هاتى ميه

لو بتتفرجى مع بابا على التليفزيون ... ها يسيب لك الحريه تتفرجى على اللى انتى عايزاه
لكن المحروس .. مافيش قدامك غير يا الاخبار يا الكوره .. يا ميلودى

بابا لو نازل مشوار .. بيعمل ليكى اعتبار ويديكى خبر
لكن جوزك .. بيختلس عدم وجودك قدامه عشان ينزل من وراكى ولو قفشتيه يقولك انا نازل ويقفل البابا بسرعه

لو محتاجه فلوس فى حاله طارئه .. بابا ها يديكى من عينيه
لكن جوزك .. ها يقولك خدى من بابا

لو جالك مكالمه غلط على موبايلك.. بابا ها يقولك حصل خير
لكن جوزك .. ها يتهمك بالخيانه ...

لو ما فيش فى التلاجه غير ازازة بيبسى واحده ..بابا ها يسيبها لك بنفس راضيه
لكن جوزك ها يقول معلش انا لازم ابلع او ها يقسمها معاكى

لو اتزحلقتى على الارض ..باباكى ها يجرى يشيلك
جوزك ها يقعد يضحك ويقولك ما انتى اللى مش منشفه الارض كويس

لو نفسك تغيرى مكان السجاده ..باباكى ها يقوللك عنك دى تقيله عليكى
لكن جوزك ها يقولك مش ضرورى وجع القلب دا

لو العربيه عطلت بيكى .. بابا.. ها يقولك اقفليها وتعالى وانا ها اتصرف
جوزك .. ها يقولك متركبيش العربيه تانى

لو حكيتى ل بابا على واحد عاكسك .. ها يقولك معلش .. وبعدين عنده حق . مانتى جميله
انما جوزك .. ها يقولك انتى اللى ماشيه مش محترمه

لو مقدمه على شغل ..باباكى.. ها يوصى عليكى طوب الارض
لكن جوزك .. مش ها يتعب نفسه ولا يهمه اصلا وها يقولك يعنى انتى ها تشتغلى وزيره

باباكى لو لاحظ انك متخانقه مع اختك .. ها يصالحكوا على بعض
لكن جوك هيقولك خليهم يولعوا دول عيله عجب

مهما باباكى كان متضايق .. لا يمكن تكلميه وتلاقيه مكشر
لكن جوزك.. لو متضايق .. مصر كلها هتنكد عليكي استحملى بقى
منقوووووول

عزيزتي ملكه الاحساس
ماذا أقول ؟؟؟
عليه العوض في الازواج
ويحيا الآبـــــــــــــــــــاء ؟؟؟
انا أقول عزيزتي
يحبا الأزواجــــــــــــ
و
يحيا الآبـــــــــــــــــــاء
ان آبائتا عزيزتي هم أزواج لأمهاتنا
ونحن ابنائهمــــــــــــــــ
واضح عزيزتي ان هذا الزوج موضوع حديثك
حاله شاذه ونادره ولكنه موجود بشكل ما
وواضح عزيزتي أيضا انك تملكين أبا عظيما
أدعو الله ان برزقك بزوجا يكون لكي أبـــــــــــــــــا
حتي يغير فكرتك عن الــــــــ........... غلابــــــــــه

ابوعمار

:cheers: بسم الله الرحمن الرحيم
السلام عليكم ورحمة من الله وبركاته
طبعا كتيييييييييير متضايق لأنه تم تصوير الراجل بلا قلب
ولا مشااااااااعر ليه لماذا كل هذا التجني ع الراجلقبل أن أبدي رأي أحب أن
أقول طبعا فيه بعض الأشياء الموجوده صحيحه ولكني أختلف في معظمهاااااااااااا
مثل الزوج بسعدك بالبيت عادي وبشترى لك المكياج ومن أغلى الأنواع وأحسنهااااا
وبيشتري لك الهدوم واعتقد أنها تكون أغلى وأثمن وعلى فكره أي زوج بيزعل
لزعل زوجته كتيييييييييييييير ويحب يرضيهااااااااا ولو زعلتي او تعبتي
بيسهر بجوارك وبيظل متضايق كتييييييييييير علشانك وبيشيل عنك السجاده
وبينفضها وبيحضر لك الفطارلو عندكـامتحان وبيوصلك للجامعه بتاعتك وبيستناكي
امامها لما تخلصي محاضرات وبينتهز أي فرصه كي يعبر لك عن حنانه وحبه الك
وبيعلمك إزاي تسوقي السياره واعتقد أن مش كل الرجاله كده
يارب يعجبكـ رأي وأرجو النقاش
وربنا يوفق الجميع

انا بقى ياحبيبتى معاكى وفعلا الرجاله بيعملو كدة واكتر وفعلا فى فرق كبير بين بابا وجوزك

عزيزتى ملكة الاحساس
:%$R%:
اشكرك على الموضوع ولكن انا اختلف معك كل
الاختلاف فى كل هذا التجنى على الرجل وان كان يوجد
امثله لكلامك ولكنها ليش الشريحه العظمى وتكون نادره جدا
فالرجل هو الدفئ والعطاء والامان هو الاب والابن والاخ
واتفق كل الاتفاق مع كل من صديقى ابو عمار والليل واخره
فى كلامهم الجميل
وان كونتى تطرحين الموضوع من ناحية الفكاهه والمرح
هقولك بقى بكره يجيلك اليطلع عنيكى ويعرفك ان الله حق

» الفرق بين العشق والحب
» هاااااااااااااااااام جدددددددددا (اتحداك انك تعرف فين الفرق)
» الفرق بين ‏:‏ الإسرائيلي و اليهودي و العبري و الصهيوني
» الفرق بين لفظ الجلاله الله وبين كلمة اللة