لملمى نفسك يا امى واسترى العوره

لملمى نفسك يا امى واسترى العوره
وارفعى راسك يا غاليه ولادك اشعلوا الثوره
قومى يا امه بحلف بميه نيلك الصافى
لتقومى من جديد سانده على اكتافى
لملمى جروحك يا امى
واسالى ربك الشافى
تلتئم كل الجروح واصمدى ولا تخافى
الظلم يا امه خلاص صبح كافى
هقوم يا امه من تانى
لو حتى مش لاقى الهدوم او ماشى حافى
على عيونك يا امى مليون عوافى
نادرين على ازرعك وردى وصفصافى
وغضبى يا امه فى وش الفساد
مش هيكون تانى كلام او مناوره
لملمى نفسك يا امى واستر العوره
ارفعى راسك ياغاليه ولادك يا امه اشعلوا الثوره
بحلف بعمرك يا امى يا ساكنه قلبى وعيونى
بحلف برحمه عمرو واسلام وكريم وبسيونى
بحلف برحمه سمير ومبروك وكل من احيونى
بحلف بعمرك ياغاليه لازيل الفساد
واحاسب كل من سرقونى
بحلف بعمرك يا امى تانى متهونى
معدش ينفع خداع ولا مناوره
لملمى نفسك يا امى واسترى العوره
ارفعى راسك ياغاليه ولادك اشعلو الثوره
يارب يا من تذل ومن تعز
فوضت الامر ليك فى عصابه عز
اللى سرقوا الحياه من بلد المعز
اللى حطونا بشماته فى كل وضع مستفز
المشنقه مستنياهم والمقصله علشان تجز
فرحان قوى ارقص --وهز
اللى اكلتوا بط بط
هيطلع من عيونكم وز وز
والله يا جماعه الحياه من غير كرامه عمرها
ما تلذ

اولا اهلا بيكى اخى الكريم
نورت المنتدى وتحياتى على كلامك
الجميل ده رائع جدا لك كل احترام
وتقدير

يسلم لسانك يا ابو عمار
والله العيشه قبلها كانت مرار
كان ظلم بين مش هزار
والحمد لله اهو غار
وترتبت تانى الافكار
واترفع عن شعبنا كل الحصار
يارب سلمها من الاشرار
واجعل مصرنا دايما عمار
للى بيحبوها امثال ابو عمار

» هل تحاسبين نفسك
» لا تاسف علي نفسك
» فكهي نفسك
» طور نفسك واستغل صيفك مع سنتر لوروينج للتدريب والكورسات