خطيب بارد

موضوع: خطيب بارد الثلاثاء يناير 27, 2009 4:28 pm

خطيب بارد اوى

هو وهى مشيين على الكورنيش .. الجو حار .. الشمس محرقة .
هي : عطشانة .
هو : وأنا كمان .
هي : يعنى ... عايزة اشرب!
هو : أكيد مادام عطشانة يبقى عايزة تشربي .
هي : المفروض – بما أن عندك إحساس يعنى – إني لما أقولك عطشانة تجيب لي
حاجة ساقعة .
هو : ومين اللي هيحاسب ؟؟
هي : أنت طبعاً .
هو : منين ياحسرة .. ماانتى عارفة الكانز وغطاه .
هي : ماقلتش عايزة كانز .. كفاية إزازة صاروخ .
هو : طب لو هاتجيبى اعزمينى معاكى

هي : يابنى أنت مابتحسش ، وبعدين بقالنا 3 ساعات ماشيين ، أنت مش ناوي
تقعدنا ولا إيه؟
هو : عندك الكورنيش كله .. اختاري الرصيف اللي يعجبك .
هي : قصدي تعزمنى في مكان شاعري .
هو : في الحر ده .. ماينفعش .
هي : بلاش دى .. نأخد مركب عالكورنيش .
هو : المراكب بتغرق اليومين دول .. خلينا ع البر أحسن .
هي : بلاش المركب تعالى نأكل ترمس .. أظن ده رخيص .
هو : إنتى تضمني منين إن الراجل غاسل إيده وغاسل الترمس .
هي : أعوذ بالله .. إنت مقفلها كده ليه ؟؟
هو : بصراحة معييش فلوس .
هي :يا سلام!! .. ماأنت كان معاك إمبارح .
هو : إمبارح دخلت س

هي : بنت حلوه ؟؟!! وبتقولها في وشى .
هو : أكذب عليكى يعنى .
هي : لأ .. تحرق دمى أحسن .
هو : أنا مش شامم ريحه شياط يعني .
هي : يخرب بيت البرود .
هو : برود إيه ؟؟ ماهو الجو مولع أهو .
هي : إنت اللي بارد .
هو : بارد إزاى ؟؟ دا أنا بشُر عرق .
هي : بقولك إيه .. روحنى .
هو : أروحك ؟! هو إنتى ماتعرفيش تروحي لوحدك .
هي : آآآآه .. طب أنا ماشية .
هو : ليه يا حبيبتي؟؟
هي : حبك برص .
هو : والله البرص بيفهم عشان حبني.
هي : بجد كده كتير .
هو : كتير إيه ؟؟

هي : إرحمنى .. واضح إن الحر بيجى معاك بالعكس .. يا بارد .
هو : يعنى مصممة تمشى ؟؟
هي : أيوة وحالاً كمان .
هو : طب استني لما نوصل آخر الشارع .
هي : اشمعنى ؟؟
هو : أصل أنا ساكن هناك .. و مايرضكيش أروح لوحدى

موضوع: رد: خطيب بارد السبت يناير 31, 2009 8:25 am

عزيزتي ساره
مع ان الخطيب ده بارد
بس حرق دمي " ازاي؟ معرفش
ده مش بارد ده لوح ثلج
بجد فيه حاجات كده ؟؟؟
فيه حاجات كده وانيل !!!!
الله المستعانـــــــــــــــ
----------
سلمت يداك عزيزتي

موضوع: رد: خطيب بارد السبت يناير 31, 2009 4:33 pm

هو مش بارد بس

ده معندوش دم

اشكرك يابو عمار

موضوع: رد: خطيب بارد الإثنين فبراير 02, 2009 7:34 am

فعلا لوح تلج ومعندوش دم وحاجة فظيعة

ربنا يكون في عونها

ميرسي يا سارة

شكرا ياقمر على وجودك

وربنا يبعد عنك البرود المن النوع ده